Home

IMG_1587

Ma tü, che San Niclo est tü?

Raquint dad Elena Wullschleger Daldini
Illustraziuns da Christiane Caccia

Traducziun in rumauntsch puter da Dumenic Andry

Prefaziun da Chasper Pult

30 x 15 cm
48 pp., ill. col.
HB

ISBN: 88-87469-50-4
Rumauntsch

CHF 24,–
IMG_1589

“I’l nord müravglius d’ün pajais numno Finlanda, vain l’alv silenzi da l’inviern interruot dad ün luntaun tintinner da sainins. Cur cha’l mais da december s’approsma, passaintan ils iffaunts uras, il nes tacho vi da las lastras da las fnestras, sperand da vzair a passer las schlittas da rennas giò’l fuonz da las vals u a l’ur dal god chi circundescha lur vschinaunchas.”
In üna cultura da minurited sun cudeschs d’iffaunts specielmaing importants. In Engiadin’Ota sun quels üna da las premissas per mantgnair il rumauntsch, dand als genituors la pussibilited da’ls ler cun lur iffaunts. Egens prodots nu sun però fich simpels da realiser, las forzas e las finanzas sun limitedas. Il miracul da l’ “Uorsin” nu po gnir repetieu sainz’oter. Creo da la scriptura ladina Selina Chönz e da l’artist sursilvan Alois Carigiet ho’l chatto la via tar ils iffaunts da tuot il muond, in tschientmillis dad exemplers. Quella vouta haun ils Rumauntschs savieu exporter qualchosa da lur cultura: il Chalandamarz e la tradiziun purila alpina. Ma tuot i’l muond es ün der ed ün piglier. Eir l’Engiadina ho fat il pass vers la societed da consüm globaliseda. Avaunt trais generaziuns gnivan dos ils regals auncha a Bümaun u a Babania, ma intaunt suna eir cò suot il bös-chin da Nadel. Ed eir tar nus riva adüna pü suvenz il Santa Claus dals Stedis Unieus, ün dals descendents dal san Niclo deraso in l’inter’Europa. Per tscherner chenüns cudeschs d’iffaunts chi dessan gnir tradüts in rumauntsch velan sgür in prüma lingia ils criteris, scha l’istorgia es adatteda per ils iffaunts e scha las illustraziuns correspuondan al text e stimuleschan la fantasia. Ill’ouvra da Elena Wullschleger Daldini illustreda da Cristiane Caccia sun quistas premissas realisedas. Impü aintran cun quist’istorgia Santa Claus e sias rennas in nossas valledas rumauntschas. Il prüm mumaint ans dscharonsa: Che ho pers quist vegliet bunatsch cun la lungia barba alva a Nadel tar nus? Ma zieva badainsa: Sias passivas ho’l già lascho daspö lönch, la cultura globaliseda nu’s ferma davaunt las muntagnas grischunas, impustüt na in üna regiun turisticamaing uschè sviluppeda. A vela dimena la paina da’ns confrunter cun Babbo Natale, scu cha san Niclo vain numno tar noss vschins taliauns, rimplazzand eir tar els la Befana chi gniva plü bod a Babania. Impustüt perche cha Elena Wullschleger Daldini ans quinta ün’istorgia chi tratta il cuntrast traunter il s-chet e l’imitaziun. Il pü vegl dals san Niclos es per as rasegner: Sieus regals scu chavalins da lain, uorsins da plüsch u pizetras sun antiquos, el nu po spordscher gös electronics, computers u telefonins. Cul collega pü giuven parta el per il “muond nouv” ed inscuntra lò il muond urban culs san Niclos mecanisos in fuorma dad automats. La hectica dal traffic e la manchaunza da temp pels iffaunts al daun in ögl. El as sainta inütil. E lura riva ün iffaunt chi sto al 20evel plaun dal sgrattatschêl e chi scuvra la vardaivlezza in quist hom attempo ed our d’moda. El taidla cun interess e plaschair sia istorgia. Elena Wullschleger Daldini, svess nona da tschinch abiedis, manzuna a la fin dal cudesch ch’ella nu giavüscha oter cu cha mincha iffaunt possa chatter ün san Niclo vair e vardaivel chi’l piglia pels mauns e giaja cun el vers l’avegnir. Gnir respecto es il desideri da mincha iffaunt ed eir la premissa per ch’el possa as svilupper tenor sieu potenziel. In nos muond chi’d es caracteriso da la crisa da las tradiziuns nu dependa taunt chi chi quinta che, ma scha que cha vain quinto es resentieu e scha la persuna chi quinta as piglia la peida per svilupper l’empatia per l’iffaunt ed es cotres vardaivla. Eir “il pü vegl san Niclo” po esser quella persuna, sainza ch’el porta regals da moda, e sch’el vain uossa cun l’esan, cun las rennas u perfin cun l’aviun da la Finlanda u eir be our dal godin da Staz es insè listess, basta ch’el saja s-chet.

Prefaziun da Chasper Pult

IMG_1590

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...